Escolma de lendas populares árabes, dirixidas aos lectores novos. Desde as mil e unha noites, a cultura árabe é o aconchego e a orixe de moreas de contos e lendas. Moitas das súas historias chegaron a nós por transmisión oral e foron contadas de múltiples maneiras. Coa axuda do enxeño, as lendas árabes ensínannos a confiar máis en nós mesmos, a superar as dificultades e deixar de lado o egoísmo. A escritora Rosa Aneiros achéganos a estas historias apaixonantes con toda a forza e a imaxinación da primeira vez que foron contadas. Coa emoción e a viveza dos pobos que as fixeron nacer.